Mbrëmjen e së mërkurës, rreth orës 19:00, në rrugën Xhelal Hajda në Prishtinë, është gjetur një person mashkull pa shenja jete.
Lajmin e ka konfirmuar Enis Pllana, zëdhënës i Policisë së Kosovës për Prishtinën. Ai ka shpjeguar se policia ka pranuar informacionin për ngjarjen dhe ka dalë menjëherë në vendngjarje.
Deklarata e plotë e zëdhënësit Enis Pllana është kjo:
Sot rreth orës 19:00 policia ka pranuar informatën se në rrugën Xhelal Hajda në Prishtinë, gjendet një person pa shenja jete. Me të marrë informatën policia ka dalë në vendin e ngjarjes, ku kanë hasur viktimën mashkull, i cili ishte pa shenja jete. Vdekjen e viktimës e ka konstatuar ekipi mjekësor në vendin e ngjarjes, kurse Policia ka filluar me hetimin e rrethanave për sqarimin e plotë të rastit.
Policia po heton rrethanat për të sqaruar plotësisht rastin. Nuk janë dhënë detaje të tjera për identitetin e viktimës apo shkaqet e mundshme të vdekjes.