Një aksident trafiku ka ndodhur sot rreth orës 14:55 në fshatin Poterq të Klinës, ku u përplasën një kamion dhe një veturë. Si pasojë e përplasjes, pesë persona pësuan lëndime trupore dhe u dërguan për trajtim mjekësor në Spitalin Rajonal të Pejës.
Zëdhënësi i Policisë për rajonin e Pejës, Driton Rugova, konfirmoi ngjarjen. Ai deklaroi: «Sot rreth orës 14:55, Policia është njoftuar për një aksident trafiku i cili ka ndodhur në fshatin Poterq-Klinë. Në këtë aksident ishin të involvuara 1 kamion dhe 1 veturë, si pasojë e aksidentit 5 persona kanë pësuar lëndime trupore, të njëjtit janë dërguar në Spitalin Rajonal të Pejës për trajtim mjekësor».
Policia ka nisur hetimet për të sqaruar shkaqet dhe rrethanat e aksidentit.