Policia e Kosovës ka arrestuar pesë persona në Kaçanik nën dyshimin për tentim vjedhjeje të rëndë në një argjendari. Ngjarja u raportua rreth orës 01:40 të 1 shkurtit 2026, kur policia mori informacion se dy persona po përpiqeshin të thyenin dritaren e argjendarisë në rrugën Ismail Raka.
Njësitë policore mbërritën menjëherë në vendngjarje dhe arrestuan në flagrancë dy shtetas të Serbisë: M.M. (36 vjeç) dhe D.T. (35 vjeç). Një patrullë tjetër ndaloi një veturë VW Caddy me targa vendore të parkuar pranë, ku ndodheshin tre shtetas kosovarë: L.M. (48 vjeç), B.H. (42 vjeç) dhe R.F. (28 vjeç), të cilët u shoqëruan në stacion.
Njësia e Hetimeve kryen ekzaminimin e vendit dhe konfiskoi mjetet e dyshuara:
• shufër metalike (hebell);
• dana;
• çelësa të ndryshëm;
• kaçavida;
• mjet i mprehtë (skalpër);
• doreza.
Gjithashtu, u gjetën çelësat e veturës VW Caddy.
Të arrestuarit u intervistuan në prani të avokatëve dhe përkthyesve, ndërsa dy prej tyre pranuan përfshirjen. Me urdhër të prokurorit të shtetit, pesë personat u dërguan në mbajtje për 48 orë për hetime të mëtejshme.
Policia Rajonale e Ferizajt falënderon qytetarët për bashkëpunimin dhe i nxit të raportojnë veprimet e dyshimta në numrin 192 ose platformën digjitale Lajmëro Policinë.
Përditësime
Sje Kaçanikli nëse publikoi pamje nga incidenti.
Të arrestuarit tentuan të thyenin dritaren e pasme të argjendarisë.