Mbrëmjen e 24 janarit 2026, rreth orës 20:30, në lagjen Pavarsia të Vlorës, në bulevardin Ismail Qemali, ka ndodhur një plagosje me thikë pas një konflikti për motive të dobëta.
Shtetasi Fjodor Edmond Zeqo, i lindur më 27 shkurt 1978 dhe banues në Vlorë, ka plagosur me armë të ftohtë shtetasin Ilir Suloti, të lindur më 8 shtator 1981 dhe banues në Vlorë.
I lënduari ndodhet në Spitalin Rajonal të Vlorës, ku po merr ndihmën e nevojshme mjekësore. Shërbimet e policisë kanë ndërhyrë menjëherë, duke kapur dhe arrestuar autorin në vendngjarje.
Grupi hetimor po kryen veprimet proceduriale për dokumentimin e plotë të rrethanave të ngjarjes.
Përditësime
Policia e Vlorës ka njoftuar zhvillime të reja në rastin e plagosjes me thikë:
- Ka sekuestruar thikën si provë materiale.
- Ka referuar materialet në Prokurorinë kundër Fjodor Zeqo për "Plagosje e rëndë me dashje".
- Ka ngritur akuzë për "Plagosje e lehtë me dashje" kundër I.S. dhe A.A. (38 vjeç) për dëmtimin e Fjodor Zeqo.
- Ka konfirmuar se Fjodor Zeqo është jashtë rrezikut për jetën.