Policia e Kosovës ka kryer një kontroll në një shtëpi dhe dy lokale në Prizren më 22 prill 2026, rreth orës 18:00. Kontrolli u bë pas një hetimi disa mujor dhe me vendim të gjyqtarit. Objektet shfrytëzoheshin nga dy të dyshuar meshkuj kosovarë për paketim, shitje dhe shpërndarje të substancave narkotike të llojit kokainë.
Gjatë kontrollit u gjetën dhe sekuestruan:
- një motoçikletë;
- dy telefona mobilë;
- një çelës me dy hallka;
- para të gatshme në vlerë rreth 45 euro;
- dy kartëmonedha nga 200 euro;
- 13 qese najloni me substancë të dyshuar kokainë, peshë rreth 336.92 gram;
- dy qese zbrazëta me mbetje kokaine;
- një kavanoz me kokainë, peshë rreth 115.15 gram;
- dy foli;
- një palë gërshërë;
- një thikë;
- një peshore digjitale;
- një pistoletë me një karikator të zbrazët;
- një pistoletë me pjesë të çmontuara pa karikator;
- një shishe qelqi me substancë të lëngshme të dyshuar si tretës.
Vlera e përgjithshme e substancave narkotike arrin rreth 30 mijë euro, sipas njoftimit të policisë. Të dyshuarit u arrestuan, u intervistuan dhe, me vendim të prokurorit, u dërguan në mbajtje.