Policia e Kosovës ka ndaluar tre vetura me targa të Serbisë në fshatin Koshuticë të Leposaviqit, nën dyshimin për kalim të paautorizuar të kufirit. Ngjarja ka ndodhur më 9 mars 2026, rreth orës 16:20.
Sipas raportit 24-orësh të policisë, drejtuesit e automjeteve ishin meshkuj kosovarë, të cilët kishin hyrë nga territori i Serbisë në mënyrë të kundërligjshme, jashtë vendkalimeve kufitare, në territorin e Republikës së Kosovës.
Të dyshuarit u shoqëruan në stacionin policor për intervistim. Pas konsultimit me prokurorin e shtetit, ata u liruan në procedurë të rregullt.