Pas ndeshjes së martës midis Turqisë dhe Kosovës, portieri Ugurcan Çakir u shtrua në spital në Stamboll. Ai po përballet me një infeksion viral dhe gjendja e tij po monitorohet nga mjekët.
Sipas mediave turke si "haberler" dhe "Sozcu", Çakir kishte probleme shëndetësore edhe gjatë ndeshjes me Kosovën. Pas rikthimit në Turqi, ai kaloi të mërkurën në spital dhe pritet të kalojë natën atje.
Çakir luajti rol kyç në fitoren 1:0 të Turqisë, duke bërë disa pritje të rëndësishme që ndihmuan në kualifikimin për Botëror. Tani, shqetësimi kryesor është nëse do të jetë i gatshëm për ndeshjen e Galatasaray-it me Trabzonspor më 4 prill.
Galatasaray prin garën për titull me 64 pikë, ndërsa Trabzonspor renditet i treti me 60 pikë. Kjo sfidë është vendimtare për kampionatin turk.
Në anën tjetër, te Trabzonspor pritet të luajë shqiptari Ernest Muçi, i cili është treguar i gatshëm pavarësisht largimit nga kombëtarja për dëmtim.