Masoud Pezeshkian, presidenti i Iranit, deklaroi të enjten se sulmet izraelite ndaj Libanit janë një shkelje flagrante e marrëveshjes së armëpushimit SHBA-Iran. Ai tha se këto veprime tregojnë mashtrim dhe mungesë angazhimi ndaj marrëveshjeve të mundshme, ndërsa vazhdimi i tyre do t’i bëjë negociatat e pakuptimta. “Gishta tanë mbeten në këmbëz. Irani nuk do t’i braktisë kurrë motrat dhe vëllezërit e tij libanezë”, u shpreh ai.
Sulmet izraelite, një nga ofensivat ajrore më të rënda, nisën dje dhe vranë më shumë se 250 persona në Liban të mërkurën, sipas raporteve. Këto veprime vijnë pas shpërthimit të konfliktit me Hezbollah-in muajin e kaluar.
SHBA dhe Izraeli pohojnë se armëpushimi dyjavor, i shpallur të martën, nuk shtrihet në Liban. Ndërkaq, Irani dhe Pakistani, që ndërmjetësuan marrëveshjen, insistojnë se Libani është i përfshirë.
Kryetari i Parlamentit iranian, Mohammad Bagher Qalibaf, paralajmëroi se sulmet e vazhdueshme kundër Hezbollah-it do të kenë pasoja të qarta dhe reagime të ashpra. “Shkeljet e armëpushimit do të kenë përgjigje të qarta dhe të ashpra. Shuajeni zjarrin menjëherë”, shkroi ai.
Situata në rajon mbetet e tensionuar, me palët që shprehin pikëpamje të ndryshme për shtrirjen e armëpushimit.