Kryeministri Edi Rama bëri të ditur se muaji prill 2026 shënoi një rekord për turizmin shqiptar me 891,414 vizitorë të huaj. Kjo përfaqëson një rritje prej +8.8% krahasuar me prillin e vitit 2025.
Lajmin e publikoi përmes një postimi në rrjetet sociale, ku shkroi se turistët nga vende si Danimarka, Italia, Polonia, Franca, Kanadaja, Mbretëria e Bashkuar dhe SHBA po zgjedhin gjithnjë e më shumë Shqipërinë për natyrën, kulturën, bregdetin dhe mikpritjen autentike.
Rritjet sipas vendeve të origjinës janë:
- Lituania: +266.1%
- Danimarka: +265.4%
- Polonia: +81.1%
- Spanja: +52.5%
- Kanadaja: +37.3%
- SHBA: +28.7%
- Belgjika: +25%
- Franca: +22.8%
- Italia: +20%
- Mbretëria e Bashkuar: +11.2%
Sipas Agjencisë Telegrafike Shqiptare, interesi për Shqipërinë rritet falë motit të butë pranveror dhe mungesës së fluksit veror. Qytete si Tirana, Kruja, Berati dhe Gjirokastra, si dhe bregdeti, po tërheqin vizitorë të shumtë. Pritshmëritë për sezonin veror 2026 janë pozitive.