Një prind ka denoncuar dy pajisje argëtuese për matjen e forcës së krahut, të njohura si "boxer", të instaluara në shëtitoren bregdetare te Shkëmbi i Kavajës. Këto pajisje dyshohet se përcjellin korrent elektrik dhe paraqesin rrezik për fëmijët, të rinjtë dhe vizitorët e tjerë.
Incidenti ndodhi kur fëmija i prindit u afrua te pajisja duke qenë me çorape. Sipas dëshmisë së tij, fëmija u drodh, u hodh përpjetë dhe filloi të qante. Prindi ka njoftuar Policinë e Durrësit për të kërkuar ndërhyrje të menjëhershme dhe stakjen e pajisjeve, me qëllim shmangien e një fatkeqësie të mundshme.
Dyshohet se lagështia dhe ekspozimi ndaj kushteve atmosferike kanë shkaktuar defekt në pajisje, duke i kthyer ato në burim rreziku. Prindi shprehet: "Këto dy makinetat këtu japin korrent se më zuri çunin, e hodhi përpjetë. Ishte me çorape kur u afrua, dhe e drodhi, filloi duke qarë. Kam njoftuar policinë tani që të shikojnë dhe t’i stakojnë".