Klubi i Prishtinës ka njoftuar tifozët për ndeshjen e fundjavës në kuadër të xhiros së 26-të të Superligës së Kosovës ndaj liderit Ballkanit. Ndeshja nuk do të zhvillohet në stadiumin Fadil Vokrri, por në Kampin Nacional në Hajvali.
Përmes një postimi në rrjetin social Facebook, klubi bëri të ditur se hyrja është falas në tribunën ballore. Tribonat prapa portave nuk do të hapen.
Prishtina do të luajë me trajnerin e ri Alban Dragusha, pasi trajneri i mëparshëm Afrim Tovërlani kishte dhënë dorëheqjen pas humbjes ndaj Ferizajt në mesjavë.
Në tabelën e klasifikimit, Prishtina zë vendin e katërt me 38 pikë, ndërsa Ballkani është lider me 45 pikë, aq sa ka edhe Drita në vendin e dytë.
Në dy përballjet e mëparshme të edicionit aktual, secila skuadër ka fituar nga një ndeshje: Prishtina me 1-0, ndërsa Ballkani me 3-1. Në Kupën e Kosovës, në fazën e 1/8-finales, Ballkani kaloi në çerekfinale pas përballjes me Prishtinën.