Prokurori i lartë i Zyrës së Prokurorit të Specializuar, Alan Tieger, ka nisur deklaratën e tij përmbyllëse në gjyqin në Hagë ndaj ish-presidentit Hashim Thaçi dhe ish-krerëve të tjerë të Ushtrisë Çlirimtare të Kosovës (UÇK).
Ai prezantoi para trupit gjykues dëshmitë që pretendojnë se të pandehurit janë fajtorë për krime të kryera gjatë luftës në Kosovë.
Tieger citoi dëshmitarë që kanë deklaruar se shtabi i përgjithshëm i UÇK-së kërkonte pavarësinë e Kosovës dhe nuk do të ndalej deri në arritjen e fitores së plotë. “Shtabi i përgjithshëm kërkonte pavarësinë e Kosovës dhe do të vazhdonin deri ta merrnin fitoren e plotë. Ka qenë vetëm shtabi i përgjithshëm”, tha ai.
Prokurori përmendi se ish-luftëtarët e UÇK-së, pasi dolën për herë të parë në televizion më 1998, nuk pranuan amnistinë.
Tieger shtoi se vrasja e familjes Jashari zgjeroi luftën në Kosovë. “E kanë pranuar të gjitha palët”, nënvizoi ai.
Përditësime
Prokurori Tieger e përshkroi Rexhep Selimin si person me lidhje të ngushta me Adem Jasharin..