Prokuroria Themelore në Pejë ka njoftuar se më 11 shkurt 2026 do të vazhdojë intervistimin e personave përgjegjës për procesin e numërimit të votave në Komunën e Klinës.
Këto veprime kryhen në kuadër të hetimeve për dyshimet mbi manipulimin e votave, përkatësisht të rezultateve të kandidatëve të subjekteve politike në këtë komunë. Prokuroria ka autorizuar Hetimet Rajonale të Policisë së Kosovës në Pejë për të ndërmarrë veprimet e nevojshme hetimore, përfshirë intervistimin e personave të përfshirë në proces.
Autoritetet kanë theksuar se mbeten të përkushtuara për zbardhjen e plotë të rrethanave të rastit dhe për garantimin e ligjshmërisë si dhe të integritetit të procesit zgjedhor. Opinioni publik do të njoftohet me kohë për zhvillimet e mëtejshme.
Sipas një burimi, hetimet për manipulim me vota kanë nisur edhe në komuna të tjera.