AEK Athinë humbi 0-1 ndaj OFI Kreta në ndeshjen e luajtur dje në çerekfinalen e Kupës së Greqisë, duke u eliminuar nga kompeticioni.
Raportimet nga Greqia bëjnë të ditur se pronari i klubit, Marios Iliopoulos, vendosi një gjobë prej 400 mijë euro ndaj portierit shqiptar Etrit Strakosha pas këtij eliminimi.
Gjoba nuk do të zbatohet nëse AEK Athinë fiton tre ndeshjet e radhës kundër Panathinaikos-it, Asteras-it dhe Olimpiakos-it. Këto kundërshtarë e bëjnë misionin të vështirë për shkak të rivalitetit.
Në rast se fitoret nuk realizohen, një pjesë e gjobës do të shkojë për ekipin amator të AEK Athinë-ut dhe pjesa tjetër për bamirësi.
Strakosha nuk luajti në ndeshjen kundër OFI Kreta, pasi trajneri e la në stol për pushim. Marios Iliopoulos njihet për shpërblimet në rast fitoresh të rëndësishme, por edhe për vendosjen e gjobave.