Mbrëmjen e së premtes, gjatë protestës kombëtare të Partisë Demokratike në Tiranë, mbi 20 persona u shoqëruar nga policia pas tensioneve dhe përplasjeve.
Tubimi u përshkallëzua menjëherë pasi protestuesit hodhën fishekzjarrë dhe bomba molotovë drejt Kryeministrisë dhe zonës pranë Parlamentit.
Policia ndërhyri duke hedhur gaz lotsjellës dhe spraj drejt protestuesve dhe deputetëve demokratë.
Si pasojë, u lënduan deputetët Luçiano Boçi, Klevis Balliu, Aulon Kalane dhe Flamur Noka.
Një punonjës i Forcës Kombëtare të Sigurisë mbeti i lënduar nga shpërthimi i një kapsolle në trup dhe po merr ndihmë mjekësore në Spitalin Ushtarak.
Katër persona u ndaluan pranë Parlamentit dhe Kalasë, ku iu gjet një çantë me bomba molotovë.