Sot, në qytetin e Lipjanit, është zhvilluar një protestë qytetare në shenjë kundërshtimi ndaj vendimit të Gjykatës Speciale të Hagës për ish-krerët e Ushtrisë Çlirimtare të Kosovës (UÇK). Tubimi u organizua para bustit të Adem Jasharit, duke mbledhur një numër të konsiderueshëm qytetarësh.
Në këtë manifestim morën pjesë përfaqësues nga të gjitha subjektet politike lokale, si dhe përfaqësues të organizatave të dala nga lufta. Pjesëmarrësit, përfshirë familjet e dëshmorëve dhe invalidët e luftës, shprehën pakënaqësinë e tyre ndaj vendimeve të marra nga ky institucion gjyqësor. Protesta u zhvillua në qendër të qytetit dhe shënoi një reagim kolektiv të qytetarëve ndaj zhvillimeve të fundit gjyqësore.