E ardhmja e Enzo Fernández te Chelsea është në pikëpyetje. Sipas mediave europiane, mesfushori argjentinas po mendon largimin nga klubi londinez, tre vite pas transferimit për 106 milionë paund në vitin 2023.
Sipas L’Equipe, 24-vjeçari nuk pritet të detyrojë një largim gjatë periudhës së transferimeve të janarit, por një transferim në verë shihet si skenari më i mundshëm. Largimi i trajnerit Enzo Maresca në Ditën e Vitit të Ri ka ndikuar negativisht te lojtari, i cili kishte rol kryesor nën të dhe mbante shpesh shiritin e kapitenit për shkak të dëmtimeve të Reece James.
Paris Saint-Germain ka hyrë në garë për nënshkrimin e tij. Kampionët e Europës po përgatisin një ofertë të madhe për ta bindur Chelsean, pavarësisht konkurrencës së fortë në mesfushë nga Vitinha, Joao Neves dhe Fabian Ruiz.
Fernández ka kontratë me Chelsean deri në vitin 2032. Ai ka shënuar 24 gola në 145 ndeshje me klubin anglez, me të cilin ka fituar Conference League dhe Kupën e Botës për Klube. Me Kombëtarën argjentinase ka triumfuar në Botëror dhe Copa America.