Përfaqësuesja e Kosovës luan sot në transfertë kundër Austrisë në kuadër të xhiros së dytë të Ligës së Kombeve. Ndeshja, e cila nis në orën 18:00 në Vjenë, vjen me ndryshime në formacionin e përzgjedhësit Franco Foda. Për shkak të lëndimit të qendërmbrojtësit Albian Hajdari, në 11-shen startuese është përfshirë Ron Raçi. Në vijën e sulmit, trajneri u ka besuar lojtarëve Baton Zabërgja dhe Ermal Krasniqi për të mbështetur Vedat Muriqin, ndërsa Edon Zhegrova e nis takimin nga banka rezervë.
Formacioni zyrtar i Kosovës: Arijanet Muriq në portë; mbrojtja me Ron Raçin, Lumbardh Dellovën, Ilir Krasniqin, Dion Gallapenin dhe Mërgim Vojvodën; mesfusha me Leon Avdullahun dhe Veldin Hoxhën; ndërsa sulmi me Ermal Krasniqin, Baton Zabërgjan dhe Vedat Muriqin.
Nga ana tjetër, përfaqësuesja e Austrisë vjen në këtë sfidë pas fitores 3:1 ndaj Izraelit. Trajneri Ralf Rangnick ka bërë katër ndryshime në formacion:
• Debutimi i portierit Christian Zawieschitzky.
• Inkuadrimi i David Affengruber në mbrojtje në vend të Phillip Lienhart.
• Aktivizimi i Paul Wanner në mesfushë.
• Zëvendësimi i të dëmtuarit Michael Gregoritsch me Junior Adamu në sulm.
Formacioni i plotë i Austrisë përbëhet nga: Zawieschitzky, Veratschnig, Affengruber, Danso, Wober, Schlager, Seiwald, Wimmer, Wanner, Schmid dhe Adamu.