Janë publikuar formacionet zyrtare për ndeshjen mes Sllovakisë dhe Kosovës, e vlefshme për fazën gjysmëfinale të play-off-it për kualifikim në Kupën e Botës 2026. Sfida zhvillohet sot në Bratislavë, në stadiumin Nacional, me fillim në orën 20:45.
Përfaqësuesja kosovare vjen me mungesa. Kapiteni Amir Rrahmani nuk është i gatshëm për shkak dëmtimi, ndërsa mesfushori Leon Avdullahu gjithashtu mungon. Në rast fitoreje ndaj Sllovakisë, Kosova do të përballet me fituesen e duelit Turqi – Rumani për një vend në finalet e Botërorit.
Formacionet zyrtare
Sllovakia: Martin Dubravka; Valjent, Vavro, Obert, Hancko; Bero, Stanislav Lobotka, Ondrej Duda; Sauer, Strelec, Lukas Haraslin.
Kosova: Arijanet Muric; Dellova, Hajrizi, Hajdari; Mergim Vojvoda, Hoxha, Elvis Rexhbecaj, Florent Muslija, Gallapeni; Asllani, Vedat Muriqi.
Të dy trajnerët kanë zgjedhur formacionet bazë për këtë përballje vendimtare.