Media franceze L'Express ka publikuar një renditje të agjencive më të fuqishme të inteligjencës në Evropë. Sipas këtij vlerësimi, shërbimi britanik MI6 mban vendin e parë me 251 pikë, ndërsa vendin e dytë e zë DGSE e Francës me 169 pikë. Pozitën e tretë në klasifikim e mban AIVD e Holandës me 97 pikë. Në vendin e katërt janë renditur së bashku shërbimet ukrainase SBU dhe HUR me 77 pikë, kurse shërbimi gjerman BND mban vendin e pestë me 62 pikë.
Në dhjetëshen e parë të këtij klasifikimi janë përfshirë gjithashtu agjencitë e inteligjencës nga Suedia, Norvegjia, Estonia, Polonia dhe Danimarka. Renditja është përgatitur nga një juri e përbërë prej 60 profesionistësh ndërkombëtarë të fushës së inteligjencës. Vlerësimi është bazuar në përvojën personale të anëtarëve të jurisë, të cilët kanë votuar pesë shërbime të huaja, duke dhënë nga pesë pikë për vendin e parë deri në një pikë për vendin e pestë. Kriteret kryesore të këtij vlerësimi kanë qenë efikasiteti dhe besueshmëria e institucioneve përkatëse.
Pas dhjetëshes së parë, në listën e publikuar renditen edhe agjencitë e vendeve të tjera:
- Rumania
- Spanja
- Finlanda
- Zvicra
- Italia
- Belgjika
- Republika Çeke
- Lituania
- Portugalia
- Austria
- Letonia