Një incident ka ndodhur të shtunën në Shkabaj të Obiliqit, ku një punëtor ka pësuar lëndime pasi vinçi që po manipulonte një i dyshuar i doli jashtë kontrollit.
Sipas raportit të Policisë, i dyshuari, shtetas i Shqipërisë, gjatë punës pranë një objekti në ndërtim dhe duke vozitur një kamion, ka manipuluar vinçin në mënyrë të pakontrolluar. Si pasojë, vinçi u këput dhe ra, duke lënduar viktimën, po ashtu shtetas i Shqipërisë.
Viktima u dërgua menjëherë për tretman mjekësor. Njësitë policore ndërhynë në vendin e ngjarjes, arrestuan i dyshuarin dhe e intervistuan. Pas vendimit të prokurorit, i dyshuari u lirua në procedurë të rregullt.
Policia ka nisur hetimet për asgjësim, dëmtim ose heqje të pajisjeve mbrojtëse, rrezikim të sigurisë në vendin e punës, si dhe shkaktim të rrezikut të përgjithshëm. Hetimet vazhdojnë për të sqaruar rrethanat e plota të incidentit.