Ngjarja e rëndë ka ndodhur të hënën, më 13 korrik 2026, në rrugën "Kalaja e Krujës" në Prizren. Sipas njoftimit zyrtar të Policisë së Kosovës, viktima, një shtetas kosovar, ka rënë nga kulmi i një shtëpie teksa ishte duke kryer punime në një lartësi prej 8 metrash.
Pas mbërritjes së njësive përkatëse në vendin e ngjarjes, mjeku kujdestar ka konstatuar vdekjen e viktimës. Me vendim të prokurorit, trupi i pajetë është dërguar për obduksion në Institutin e Mjekësisë Ligjore (IML) në Prishtinë.
Autoritetet kanë nisur hetimet për këtë rast, i cili është iniciuar si "hetim i vdekjes" dhe "heqje e pajisjeve mbrojtëse". Në lidhje me ngjarjen, policia ka arrestuar punëkryesin, i cili, me vendim të prokurorit, është dërguar në mbajtje për 48 orë.