Vladimir Putin konfirmoi të mërkurën se do të takohet në Moskë me Steve Witkoff, të dërguarin special të presidentit amerikan Donald Trump, dhe Jared Kushner, dhëndër e këshilltar i tij, për të vazhduar dialogun mbi zgjidhjen e konfliktit në Ukrainë.
Takimi u përmend gjatë një mbledhjeje të Këshillit të Sigurisë Ruse. Sipas Putinit, bisedimet do të përqendrohen në perspektivat e një marrëveshjeje për përfundimin e luftës, e cila ka vazhduar për gati katër vjet dhe ka shkaktuar trazira gjeopolitike të mëdha.
Çështjet kryesore në diskutim
• Përdorimi i mundshëm i asetëve ruse të ngrira për rindërtimin e zonave të dëmtuara në Ukrainë, një mundësi që Putini tha se po diskutohet me përfaqësuesit amerikanë.
• Ideja e Këshillit të Paqes të propozuar nga Trump, për të cilin Moska ka udhëzuar Ministrinë e Jashtme për ta studiuar ftesën dhe të përgjigjet në kohën e duhur.
• Trump ka deklaruar se një marrëveshje për fundin e luftës është "mjaft afër", ndërkohë që SHBA-ja ka zhvilluar bisedime me Rusinë, Ukrainën dhe udhëheqësit evropianë mbi drafte të ndryshme planesh.
Lidhje me çështje të tjera
Putini planifikon të diskutojë përdorimin e disa prej këtyre aseteve edhe me presidentin e Autoritetit Palestinez, Mahmoud Abbas, me të cilin takohet po sot. Ai përmendi gjithashtu ftesën ruse për Këshillin e Paqes në kontekstin e situatës në Gaza dhe Lindjen e Mesme. Rusia deklaroi gatishmërinë për të ndarë 1 miliard dollarë nga fondet e rezervuara ruse, edhe para vendimmarrjes për pjesëmarrjen në këshill.
Qëllimi kryesor mbetet përfundimi i luftës më vdekjeprurëse në Evropë që nga Lufta e Dytë Botërore, me pyetje të hapura për të ardhmen e Ukrainës dhe rolin e fuqive evropiane.
Përditësime
Steve Witkoff deklaroi se negociatat për Ukrainën kanë bërë përparim të madh dhe ndodhen në fazën përfundimtare.
Ai tha se do të nisë drejt Moskës më vonë gjatë së enjtes.
Witkoff propozon krijimin e një zone të tregtisë së lirë në Ukrainë si ndryshim katalitik për ekonominë.
"Nëse të dyja palët duan ta zgjidhin, do ta zgjidhim", – Witkoff.
Kremlini konfirmoi nisjen e takimit midis Vladimir Putin-it, Steve Witkoff-it dhe Jared Kushner-it në Kremlin. Witkoff dhe Kushner mbërritën në Moskë, ku janë të pranishëm në takim edhe Yuri Ushakov dhe Kirill Dmitriev.
Volodymyr Zelensky deklaroi se garancitë e sigurisë nga SHBA janë finalizuar, por territoret e pushtuara mbeten pengesa kryesore.
Plani i paqes përmban 28 pika, të cilat konsiderohen të favorshme për Russinë dhe të zhvilluara me ndihmë nga Kremlini.
Propozim për armëpushim të kufizuar në sektorin energjetik në format trilaterale, si në Abu Dhabi.
Donald Trump deklaroi se Vladimir Putin do të bëjë kompromis për Ukrainën. Ai shtoi se Putin dhe Volodymyr Zelensky tani janë gati të negociojnë, ndryshe nga më parë. Në Davos, Zelensky shprehu gatishmërinë për të nënshkruar një marrëveshje. Trump theksoi se Evropa duhet të marrë pjesë në proces.
Kremlini zbardhi bisedimet maratonë mes Putinit dhe Witkoff-it, të zhvilluara gjatë natës deri në mëngjes të premtes.
Yuri Ushakov, ndihmësi i presidentit rus, i cilësoi diskutimet 'të dobishme në çdo aspekt'. Ai theksoi se pa zgjidhje territoriale nuk ka paqe afatgjatë, ndërsa Rusia vazhdon operacionin ushtarak special.
Rusia kërkon tërheqjen specifike të trupave ukrainase nga zonat e aneksuara.
Në takim mori pjesë edhe Josh Gruenbaum.
Witkoff ka takuar Putin të paktën 6 herë në 2025, përfshirë bisedime 5-orëshe më 2 dhjetor.
Plani i paqes bazohet në 20 pika të Uashingtonit, jo 28 siç raportohej më parë.
Steve Witkoff deklaroi se negociatat janë reduktuar në një çështje të vetme: territorin, me variante të ndryshme dhe të zgjidhshme. Një zyrtar evropian konfirmoi për CNN se çështja e vetme mbetet territori. Bisedimet u zgjatën rreth 4 orë dhe Yuri Ushakov i përshkroi si "jashtëzakonisht thelbësore, konstruktive, sinqerta dhe konfidenciale". Zgjidhja territoriale ndjek "formulën e rënë dakord në Anchorage". Vladimir Putin theksoi interesin "sinqerisht" për zgjidhje politike dhe diplomatike.
Rusia kërkon çlirimin e plotë të Donbasit si kusht kryesor.
Bisedimet bazohen në marrëveshjen Trump-Putin të samitit të gushtit.
Takimi në Moskë ndodhi disa orë para bisedimeve trepalëshe në Abu Dhabi midis SHBA-së, Ukrainës dhe Rusias.
Në Kremlin u diskutuan çështje të lidhura me Groenlandën.
Bisedimet trepalëshe në Abu Dhabi filluan të premten mesditë. Janë të parat që nga pushtimi rus i 2022-s dhe pritet të vazhdojnë nesër. Aktualisht janë joformale, me raunde formale më vonë.
Pjesëmarrës: Steve Witkoff, Jared Kushner, Sekretari i Ushtrisë Amerikane Dan Driscoll dhe Josh Gruenbaum nga Shtëpia e Bardhë.
Rusia kërkon që Ukraina të lëshojë rreth 20% të Donetskut të papushtuar ushtarakisht. Presidenti Zelensky refuzon kërkesën. Rusia kontrollon pothuajse të gjithë Luhanskin.