Qeveria e Kosovës mbajti më 27 mars 2026 një mbledhje elektronike të kryesuar nga kryeministri Albin Kurti, i cili ndodhej në Paris.
Gjatë mbledhjes u shqyrtuan dhe miratuan disa projektligje dhe vendime kryesore, midis të cilëve:
- Ndryshime në tabelën e ndarjeve buxhetore për vitin 2026, për përmbushjen e obligimeve financiare të pa përmbushura ndaj Ministrisë së Mbrojtjes për vitin 2025.
- Projektligjin për ratifikimin e Marrëveshjes së Kredisë ndërmjet Kosovës dhe Asociacionit Ndërkombëtar për Zhvillim për Projektin e Zhvillimit të Sektorit Financiar.
- Projektligjin për Marrëveshjen e Kredisë për projektin “Lehtësimi i Tregtisë dhe Transportit në Ballkanin Perëndimor 2.0”.
- Projektligjet për ratifikimin e marrëveshjeve në kuadër të programit të kredisë së bazuar në politikat për sektorin e Energjisë dhe Klimës.
- Listën e Artikujve për Përdorim të Përbashkët që i nënshtrohen procedurës qendrore të prokurimit publik.
Në Paris, Albin Kurti zhvilloi një takim e drekë pune për dy orë me presidentin francez Emanuel Macron.