Këshilli i Ministrave miratoi më 6 shkurt 2026 vendimin për t’i propozuar Kuvendit emërimin e dy anëtarëve të rinj të Këshillit Mbikëqyrës të Bankës së Shqipërisë. Bëhet fjalë për Jonida Priftin, propozuar nga kryeministri, dhe Ervin Meten, ish-ministër i Financave dhe ish-zëvendësministër në të njëjtin dikaster.
Vendimi u mor në mbledhjen e drejtuar nga kryeministri Edi Rama, në mbështetje të nenit 100 të Kushtetutës dhe shkronjës “b”, pikës 2, nenit 44 të ligjit nr. 8269, datë 23.12.1997, “Për Bankën e Shqipërisë”, të ndryshuar. Teksti i vendimit përcakton:
Propozimin Kuvendit të Republikës së Shqipërisë të dy anëtarëve për Këshillin Mbikëqyrës të Bankës së Shqipërisë, si më poshtë vijon: Znj. Jonida Prifti; Z. Ervin Mete.
Ky vendim hyn në fuqi menjëherë dhe do të botohet në Fletoren Zyrtare. Emërimi pritet të shqyrtohet dhe miratohet nga Kuvendi me votim.
Përditësime
Ervin Mete, ish-Ministër i Financave deri në 2024, ka marrë vlerësime pozitive nga institucionet ndërkombëtare dhe ka drejtuar më parë Autoritetin e Mbikëqyrjes Financiare.
Shqipëria doli nga lista gri e FATF-së për pastrimin e parave.
Gjatë mandatit në Ministrinë e Financave u arritën:
- ulje e borxhit publik;
- forcim i disiplinës fiskale;
- ruajtje e stabilitetit makroekonomik.
Autoritetet morën hapa për mbylljen e kontratave koncesionare, duke ulur rreziqet fiskale dhe rritur transparencën.
AMF raportoi zhvillime pozitive në përafrimin me standardet e BE-së për fondet investuese, tregjet e kapitalit dhe fondet e pensioneve private.