Një raketë balistike e lëshuar nga Irani goditi një parking në juglindje të Tel Avivit më 8 mars 2026, pak pas orës 15:00. Sulmi, pjesë e valëve raketore nga Teherani, çau mbrojtjen ajrore izraelite dhe plagosi pesë punëtorë që ndodheshin në zonë, njëri prej tyre në gjendje të rëndë.
Nga shpërthimi u shkatërruan plotësisht të paktën 10 automjete të parkuara. Raportimet nga vendngjarja tregojnë se rreth 150 metra larg pikës së goditjes ndodhet një strehë mbrojtëse.
Një njësi speciale e ushtrisë izraelite mbërriti menjëherë në vendngjarje, mblodhi materiale, fotografoi kraterin e krijuar nga shpërthimi si dhe fragmentet e raketës. Hetuesit po analizojnë provat për të përcaktuar nëse Irani ka përdorur një sistem të ri raketor në këtë sulm.