Kryeministri Edi Rama dhe Presidenti Bajram Begaj kanë përcjellë mesazhe urimi me rastin e Ditës së Sulltan Nevruzit, të kremtuar më 22 mars 2026 nga komuniteti bektashi.
Urimi i Kryeministrit Rama
Rama ka postuar në rrjetet sociale pamje nga Teqeja e Helvetive në Berat, një nga objektet më të bukura të trashëgimisë shpirtërore në Ballkan. Në mesazhin e tij, ai shkruan: “Mirëmëngjes dhe me urimin për Ditën e Sulltan Nevruzit nga Teqeja e Helvetive, në Berat ndër më të bukurat në Ballkan, ku qetësia dhe harmonia janë besim, ju uroj një të diel të paqtë”. Ai theksoi paqen dhe bashkëjetesën në këtë qytet të njohur për harmoninë fetare.
Gjithashtu, në një podkast, Rama uroj besimtarët bektashinj: “Gëzuar po ashtu të gjithë besimtarëve bektashinj, e qoftë dita që simbolizon rilindjen, shpresën dhe fillimet e reja, vetëm e para e një vargu të gjatë ditësh të mbara”.
Urimi i Presidentit Begaj
Presidenti Bajram Begaj e cilësoi këtë ditë si simbol të pranverës dhe ringjalljes. Në postimin e tij, ai shkruan: “Gëzuar Sulltan Novruzin! Kjo ditë e shenjtë, simbol i pranverës dhe ringjalljes, na kujton forcën e shpresës, dashurisë dhe unitetit. Le të na shërbejë si thirrje për më shumë harmoni e mirëkuptim mes nesh, duke forcuar bashkëjetesën dhe tolerancën që na karakterizon si shoqëri”.
Kjo festë mbetet moment reflektimi për unitet dhe besim për shumë shqiptarë.
Përditësime
Presidenti Bajram Begaj uroi Ditën e Sulltan Nevruzit nga Krygjyshata Botërore e Bektashinjve, së bashku me Baba Edmond Brahimaj.
Kryeministri Edi Rama ndau një video nga Teqeja e Helvetive.
Baba Edmond Brahimaj theksoi se Sulltan Nevruzi përkon me ditëlindjen e Imam Aliut dhe vlerat e tij duhet të mishërohen në jetën e përditshme. Ai shtoi: "Sulltan Nevruzi është lindja e pranverës, e shpresës dhe e dritës mbi errësirë."