Edi Rama mbajti fjalë në Kuvend për marrëveshjen e Bordin të Paqes, ku nuk kurseu ironinë ndaj opozitës. Ai u ndal te akuzat për dosjet në SPAK dhe procedimet e tjera.
Ironia ndaj SPAK-ut
Rama tha se SPAK është bërë "si një sportel i fushës së zezë, letra nga populli". Ai përmendi se opozita ka dërguar Tony Blair-in në SPAK: "Çojeni prapë. Kushedi del ndonjë provë. Si ajo me Lali Erin që janë shkruar 3 volumë romane policore, por pa asnjë provë".
Tony Blair dhe NATO
Sa i përket Tony Blair-it, Rama theksoi se ai nuk ka marrë "asnjë qindarkë nga qeveria", por ka urdhëruar futjen e NATO-s në Kosovë dhe ka bërë rrëmujë në Rambuje. "Çojeni në SPAK, se tani që ushtria amerikane e anuloi hyrjen me helikopter në Kryeministri, SPAK është stacioni i fundit i rrugës suaj së shpresës drejt fitores", deklaroi ai.
Përgjigjja ndaj "Ramaduro"
Kryeministri iu përgjigj etiketimit "Ramaduro" duke thënë: "Sa më shumë më thoni Ramaduro, aq më shumë e dëgjoj Rama Duro. Hiqeni Ramaduron, se më shtoni Durimin".
Kritika ndaj Berishës dhe kampusit
Rama i kujtoi Sali Berishës kontratën me La Civita dhe përmendi Latifi-n: "Iku Latifi i Berishës. Ai Latifi si është, Latif magjistari". Ai kritikoi edhe akuzat për projektin e kampusit të Durrësit, ku opozita pretendon se shërben për të sjellë palestinezë: "Një kokë e juaja tha se 2 mln do vendosin në kampusin e Durrësit".
Rama paraqiti nismën për pjesëmarrjen e Shqipërisë në Bordin e Paqes me ftesë të presidentit Trump, duke ironizuar pretendimet e opozitës për 5 000 veta dhe pushtimin nga palestinezët, si dhe idenë se Amerika blihet me lekët e taksave.