Kryeministri Edi Rama ka mbërritur më 23 shkurt në Vlorë me helikopter, pas vizitës në Korçë. Mbërritja ndodhi rreth orës 13:45, në zonën e ish-Fushës së Aviacionit, ku e priti eskorta. Ai shoqërohej nga ministrja Mirela Kumbaro dhe disa investitorë të huaj, të cilët mbërritën me helikopter tjetër.
Fillimisht, Rama inspektoi punimet në godinë shumëkatëshe pranë Sheshit të Flamurit, e cila do të shndërrohet në qendër multifunksionale për qytetin. Ai u njoh me ecurinë e punimeve dhe projektin e zhvillimit.
Më pas, kryeministri vizitoi punimet në Muzeun Hebraik të Vlorës, një kompleks i dedikuar komunitetit hebre që ka jetuar në qytet. Inspektimi u shtri edhe në zonën pranë ish-Rrugës së Hebrenjve, në qendrën historike, për të ruajtur dhe promovuar historinë e tyre.
Agenda e vizitës vijon në Orikum dhe Rradhimë, ku fokusi është te investimet dhe projektet e tjera për Vlorën. Disa burime raportojnë se vizita në zonën qendrore përfundoi brenda pak minutash.
Përditësime
Kryeministri Edi Rama qëndroi rreth 3 orë në Vlorë me investitorë italianë dhe u largua me helikopter.
- Rama eci në këmbë përgjatë Sheshit të Flamurit.
- Një shoqërues i tij u tha operatorëve: "Hiqe telefonin, mos filmo!"