Kryeministri Edi Rama do të zhvillojë të premten një mbledhje me grupin parlamentar të Partisë Socialiste në Pallatin e Brigadave, në orën 10:00. Kjo mbledhje vjen pas asaj të qeverisë dhe tre ditë para sesionit plenar më 19 janar.
Mbledhja nis me fjalën e kryeministrit Edi Rama, vijon me atë të kryetarit të Kuvendit Niko Peleshi dhe më pas të kryetarit të grupit parlamentar Taulant Balla.
Pas tyre, kryetarët e komisioneve parlamentare do të paraqesin nga 10 minuta raportin e veprimtarisë së komisioneve.
Sekretari i grupit do të njoftojë për raportin e pjesëmarrjes së deputetëve në seancat plenare, komisione dhe mbledhjet e grupit.
Në fund, për konkluzione do të flasin Taulant Balla dhe kryeministri Edi Rama. Mbledhja pritet të përfundojë rreth orës 15:00.
Përditësime
Kryeministri Edi Rama drejtoi mbledhjen e qeverisë në Vila e Kuqe.
Të shtunën, ai do të takohet me kryetarët e bashkive në Golem.
Këto mbledhje synojnë bilancin e punës dhe planifikimin për 12 muajt e ardhshëm, duke përfshirë sezonin parlamentar të 2026-s.