Edi Rama, kryetar i Partisë Socialiste, ka ndryshuar skemën e drejtuesve politikë në qarqe në prag të zgjedhjeve vendore të vitit 2027. Kjo lëvizje i jep prioritet kryeqytetit Tiranës, ku zhvendosen figura të rëndësishme nga qarqe të tjera, si Damian Gjiknuri nga Vlora dhe Eduard Shalsi nga Kukësi.
Drejtimi politik i Tiranës i është besuar Taulant Ballës, i cili njëkohësisht do të jetë përgjegjës për Diasporën. Balla deklaroi: “Ne sot nisim një fushatë të mirëfilltë brenda Partisë Socialiste dhe për Partinë Socialiste, në funksion të njerëzve dhe për të gjitha ato qëllime që ndajmë me njerëzit”.
Elisa Spiropali, pas largimit nga qeveria dhe drejtimi i qarkut, mbetet e deleguar në një nga njësitë e Tiranës.
Në njësitë e Tiranës janë caktuar:
- Njësinë numër 1: Lindita Nikolla;
- Njësinë numër 2: Gent Gazheli;
- Njësinë numër 3: Iris Luarasi dhe Edona Bilali;
- Njësinë numër 4: Damian Gjiknuri dhe Blerina Gjylameti;
- Njësinë numër 5: Xhafaj dhe Erion Braçe;
- Njësinë numër 7: Sofian Jaupaj dhe Enkelejd Musabelliu;
- Njësinë numër 8: Igli Hasani dhe Vilma Premti;
- Njësinë numër 9: Ogerta Manastirliu dhe Olta Xhaçka;
- Njësinë numër 10: Besfort Lamallari.
Rama e lidh angazhimin e këtyre figurave me nevojën për të përmirësuar rezultatet e socialistëve në Tiranë. “Arsyet janë të ndryshme. Ka edhe një arsye të madhe objektive, të cilës unë nuk dua t’i kthehem sot. Por ne jemi Partia Socialiste e Shqipërisë. Ne duhet ta ngremë Tiranën më lart në atë klasifikim”, tha ai.
Në qarqe të tjera:
- Shkodër: Enea Karakaçi;
- Lezhë: Ermal Nufi (Ulsi Manja rikthehet në Dibër);
- Kukës: Erjon Malaj;
- Durrës: Blendi Klosi (zëvendëson Emiriana Sako);
- Fier: konfirmohet Belinda Balluku.