Edi Rama mblodhi grupin parlamentar të Partisë Socialiste, në prag të sesionit të ri të Kuvendit. Kreu i qeverisë u kërkoi deputetëve të vazhdojnë punën në territor dhe të shmangin ribraktisjen e tij.
Rama nënvizoi nevojën për modernizimin e administratës së Kuvendit me një transformim të rëndësishëm teknologjik. Gjithashtu, porosit vendosjen e piketave në një kalendar të qartë për godinën e re të Parlamentit të Shqipërisë. Këto masa, sipas tij, nuk pengojnë punën e përditshme, por i japin hapësirë dhe energji deputetëve.
Rama theksoi se 83 mandatet e fituara në zgjedhjet e fundit imponojnë detyrime të mëdha për PS-në. Deputetët duhet të jenë aktivë në territor dhe, në fund të 2027-ës, të paraqiten para qytetarëve – si atyre që i votuan ashtu edhe atyre që nuk i votuan – duke deklaruar se kanë përmbushur premtimet, përfshirë mbylljen e negociatave me BEnë.
Kreu i PS-së premtoi se çështja e territorit do të diskutohet më konkretisht në Asamblenë Kombëtare së shpejti. Ribraktisja e territorit, sipas tij, nuk duhet dhe nuk mund të jetë opsion për grupin parlamentar.