Kryeministri Edi Rama priti sot në Tiranë Presidentin e Lituanisë, Gitanas Nausėda, në kuadër të vizitës së tij zyrtare në Shqipëri. Takimi shërbeu për të rikonfirmuar bashkëpunimin ndërshtetëror dhe për të diskutuar hapat e integrimit evropian të vendit.
Palët vlerësuan rolin që Lituania do të ketë gjatë kryesimit të Këshillit të Bashkimit Evropian në gjashtëmujorin e parë të vitit 2027. Gjatë kësaj periudhe, zgjerimi i BE-së me vendet e Ballkanit Perëndimor pritet të jetë një ndër prioritetet kryesore të presidencës lituaneze.
Vizita e Presidentit Nausėda në Tiranë përfshiu gjithashtu një takim me Presidentin e Shqipërisë, Bajram Begaj. Gjatë bisedimeve me krerët e shtetit, u theksua mbështetja e vazhdueshme e Lituanisë për rrugën evropiane të Shqipërisë, si dhe për stabilitetin e rajonit, përfshirë çështjen e Kosovës.