Kryeministri Edi Rama ka publikuar mëngjesin e së dielës, më 18 janar 2026, letrën zyrtare të marrë nga Presidenti i Shteteve të Bashkuara Donald J. Trump. Letra, e datuar 16 janar 2026, fton Republikën e Shqipërisë, të përfaqësuar nga Rama, të bashkohet si shtet anëtar themelues në Bordin e Paqes, një organizatë të re ndërkombëtare për administrimin tranzitor të Gazës dhe forcimin e paqes në Lindjen e Mesme.
Në postimin në rrjetet sociale, Rama shprehet i nderuar nga besimi i dhënë dhe siguron se do të bëjë gjithçka e nevojshme për të lartësuar emrin e Shqipërisë dhe dinjitetin e shqiptarëve.
Detajet e letrës së Trump
Trump drejtohet Ramës si "Shkëlqësia e Tij, Kryeministër i Shqipërisë", duke e ftuar në një "përpjekje historike dhe madhështore" për paqen në Lindjen e Mesme dhe zgjidhjen e konflikteve globale. Ai përmend:
- Shpalljen e Planit Gjithëpërfshirës për fundin e konfliktit në Gaza më 29 shtator 2025, një plan me 20 pika, të mbështetur nga udhëheqës botërorë, krerë arabë, izraelitë dhe evropianë.
- Miratimin e Rezolutës 2803 nga Këshilli i Sigurimit i Kombeve të Bashkuara më 17 nëntor, me shumicë mbizotëruese, që mirëpriste planin.
Bordi i Paqes do të themelohet si organizatë ndërkombëtare dhe administratë qeverisëse tranzitore, duke mbledhur shtete të dalluara për të ndërtuar paqen e përhershme. Trump, si kryetar i bordit, fton Shqipërinë të nënshkruajë dhe ratifikojë Statutin e Bordit, duke lejuar caktimin e një përfaqësuesi për takimet. Bashkëlidhur letrës janë plani dhe statuti.
Përditësime
Kryeministri Edi Rama ka publikuar postimin e tij ku ndan letrën e marrë dje nga Presidenti i SHBA-së, Donald J. Trump, që fton Shqipërinë në Bordin e Paqes. Në të, Rama shkruan: «Me nderin dhe kënaqësinë e ndarjes me ju të letrës që mora dje nga Presidenti i Shteteve të Bashkuara, Donald J. Trump, duke ju falënderuar për privilegjin e besimit që më keni dhënë, si edhe duke ju siguruar se do të bëj deri në fund gjithçka që duhet për ta lartësuar emrin e Shqipërisë dhe dinjitetin e shqiptarëve, ju uroj të diel të qetë».
Kryeministri Edi Rama përgënjeshtroi pretendimet mediatike për një pagesë prej 1 miliard euro, ardhjen e palestinezëve në Shqipëri dhe ftesën për të gjitha shtetet e OKB-së.
Mandati është 3-vjeçar, me të drejtë rinovimi nga Presidenti Donald Trump.
Rama deklaroi: "Tenxheret politike mediatike po bubullojnë..." dhe i quajti pretendimet "gënjeshtra".