Edi Rama mbajti një fjalim në mbledhjen e grupit parlamentar të Partisë Socialiste më 16 janar 2026. Ai kritikoi opozitën dhe Partinë Demokratike për atë që e quajti "legalizim i rrugaçërisë" në Kuvendin e Shqipërisë.
Rama theksoi se kjo sjellje ka pasoja sociale dhe psikologjike, veçanërisht për të rinjtë dhe familjet që ndjekin punën parlamentare. Sipas tij, ajo nxit urrejtjen dhe zgjeron hendekun shoqëror. "Kur them politika, nuk flas siç flasin të dërguarit e vendeve të tjera në Shqipëri, por politika që vepron prapa, duke u përpjekur të na pengojë të vazhdojmë përpara", u shpreh ai.
Propozimi për teknologjinë dhe kanal parlamentar
Kryeministri bëri thirrje për futjen më të thellë të teknologjisë në punën e Kuvendit. Ai propozoi shndërrimin e kanalit të parlamentit në TVSH në një kanal parlamentar të plotë, jo vetëm për transmetim të drejtpërdrejtë të seancave dhe komisioneve, por edhe për diskutime e analiza, si në vendet e tjera.
"Duhet të ecim me shumë vendosmëri në futjen sa më të thellë të teknologjisë në punën e Kuvendit", tha Rama.
Komenti për Agron Gjekmarkaj
Rama përmendi Agron Gjekmarkaj, nënkryetar i Kuvendit nga Partia Demokratike. Ai pyeti për statusin e tij: "Është profesori më nënkryetar i Kuvendit? Ai jep dorëheqjen, ata e mbajnë!?"
Kryeministri e vlerësoi Gjekmarkajn si "aset pozitiv" dhe e ftoi për bashkëpunim në kanal parlamentar. "Profesori është një aset pozitiv. Shpresoj që kjo mos t’i kushtojë ndonjë goditje nën brez", deklaroi ai, duke aluduar se Partia Demokratike mund ta penalizojë për këtë.