Kryetari i komunës së Drenasit, Ramiz Lladrovci, ka njoftuar qytetarët përmes një ftese publike që të mblidhen në sheshin “Fehmi e Xhevë Lladrovci” më datën 16 shtator. Qëllimi i këtij organizimi është përcjellja e përbashkët e vendimit nga Dhomat e Specializuara të Hagës.
Takimi do të mbahet pranë ekranit të vendosur në shesh, ku është vendosur një orë pritjeje për shpalljen e vendimit. Në ftesën e tij, Lladrovci u ka bërë thirrje qytetarëve të komunës që ta presin vendimin me qetësi, unitet dhe dinjitet, duke theksuar rëndësinë e sjelljes dinjitoze gjatë kësaj ngjarjeje. Organizimi ka filluar të grumbullojë vëmendje pasi kryetari e ka shpërndarë ftesën për të gjithë banorët e Drenasit.