Sulmuesi brazilian Raphinha ka shprehur përkushtimin e tij për t'u rikthyer në fushën e lojës pas lëndimit të pësuar gjatë ndeshjes kundër Haitit, të cilën Brazili e fitoi me rezultatin 3-0. Futbollisti ka zgjedhur të mos largohet nga grumbullimi i përfaqësueses, duke vazhduar të qëndrojë pranë shokëve të skuadrës.
Përmes një deklarate në rrjetet sociale, Raphinha theksoi: "Gjithmonë kërkoj shumë nga vetja dhe punoj çdo ditë për t’u përmirësuar. Do të bëj gjithçka që është në fuqinë time për t’u rikuperuar dhe për t’u rikthyer sa më shpejt". Ai shtoi se dëshiron të luftojë për objektivat e ekipit dhe të nderojë fanellën e Brazilit.
Edhe pse kthimi i tij në fushë mbetet ende i pasigurt, synimi i lojtarit është rikuperimi i plotë për të qenë pjesë e ekipit në fazën nokaut të Kupës së Botës 2026.