Shtetet e Bashkuara po vlerësojnë një kërcënim të ri të mundshëm nga Kuba, pas raportimeve se Havana ka siguruar më shumë se 300 dronë ushtarakë dhe ka nisur diskutime për përdorimin e tyre kundër objektivave amerikane.
Sipas një raporti të publikuar nga Axios, i bazuar në burime të inteligjencës amerikane, autoritetet kubane kanë diskutuar sulme të mundshme ndaj bazës detare në Gjirin e Guantanamos, anijeve ushtarake të Shteteve të Bashkuara dhe ndoshta edhe ndaj zonës së Key West në Florida, rreth 145 kilometra larg Havanës.
Zhvillimet e fundit në teknologjinë e luftës me dronë, së bashku me praninë e këshilltarëve ushtarakë iranianë në Kubë, kanë rritur shqetësimet e administratës Trump për sigurinë në rajon. Reuters ka raportuar se këto informacione të inteligjencës mund të shërbejnë si bazë për masa të mëtejshme ushtarake ose strategjike nga ana e Shteteve të Bashkuara.
Një burim tjetër ka theksuar se agjencia Reuters nuk ka arritur të konfirmojë në mënyrë të pavarur raportin e Axios, duke lënë hapur pyetje mbi besueshmërinë e informacionit.
Përditësime
Drejtori i CIA-s, John Ratcliffe, vizitoi Kubën dhe paralajmëroi autoritetet kubane. Ministria e Jashtme e Kubës deklaroi se do të ushtrojë të drejtën për vetëmbrojtje në rast sulmi. Shtetet e Bashkuara mund të ngrejë akuza ndaj Raul Castros për incidentin e vitit 1996 dhe të vendosë sanksione të reja.