Analiza e publikuar nga Oda Ekonomike e Kosovës (OEK) tregon se ndonëse pagat në vend kanë shënuar rritje nominale në periudhën 2019–2025, qytetarët vazhdojnë të përballen me një kosto të lartë të jetesës. Bazuar në të dhënat e Agjencisë së Statistikave të Kosovës, paga mesatare bruto është rritur nga 477 euro në vitin 2019 në 713 euro në vitin 2025.
Megjithatë, raporti thekson se mbi dy të tretat e kësaj rritjeje janë absorbuar nga inflacioni, duke bërë që përmirësimi i fuqisë reale blerëse të jetë mjaft i kufizuar. Analiza vë në dukje se rritja e pagave ka qenë më tepër një reagim ndaj çmimeve në rritje sesa një përmirësim thelbësor i mirëqenies ekonomike.
Krahasimi me vendet e rajonit
Në raport janë prezantuar shifrat e pagave mesatare në vendet e tjera të rajonit, ku Kosova renditet e fundit:
• Serbia: 1,286 euro
• Bosnja e Hercegovina: 1,245 euro
• Mali i Zi: 1,206 euro
• Maqedonia e Veriut: 1,111 euro
• Shqipëria: 860 euro