Deputetja e Partisë Demokratike të Kosovës (PDK), Sala Jashari, ka reaguar publikisht pas aktgjykimit dënues të shpallur nga gjykata në Hagë ndaj ish-krerëve të Ushtrisë Çlirimtare të Kosovës (UÇK). Të dënuarit nga ky vendim gjyqësor janë Hashim Thaçi, Kadri Veseli, Jakup Krasniqi dhe Rexhep Selimi.
Në mesazhin e saj, Jashari ka theksuar nevojën për qëndresë, duke e cilësuar këtë periudhë si një moment sfidues për historinë e Kosovës. Ajo ka siguruar se do të ndërmerren të gjitha veprimet për të zbardhur të vërtetën, duke u bërë thirrje të gjithë atyre që ndajnë të njëjtin qëndrim që të mos dorëzohen.
“Edhe atëherë kur UÇK-në nuk e besuan. Edhe sot, kur kanë prekur në imazhin e gjithë historisë së Kosovës. Unë vazhdoj të thërras fuqishëm në emër të UÇK-së, me atë rezistencë që mua ma ka dhënë mundësinë të jetoj e lirë. Dhe, bashkë me të gjithë ata që ndajnë të njëjtin qëndrim, do të lëvizim çdo gur për të vërtetën. Sepse sot, asnjëri prej nesh nuk guxon të bjerë. Ne duhet dhe do të qëndrojmë të fortë, për t’u dalë zot atyre që i dolën zot atdheut”, ka shkruar Jashari në reagimin e saj.