Real Madridi po monitoron nga afër talentin gjerman Karim Kulibali, i cili luan te Verder Bremen, sipas gazetës MARCA.
Vëzhguesit e klubit spanjoll janë impresionuar nga pjekuria taktike e lojtarit dhe aftësia e tij për të lexuar situatat në lojë, pavarësisht moshës së re prej 18 vitesh. Këto cilësi kanë shtyrë madrilenët të ndjekin me vëmendje zhvillimin e tij.
Verder Bremen nuk ka ndërmend ta lehtësojë largimin e yllit të tyre. Klubi gjerman e vlerëson lojtarin rreth 50 milionë euro, shifër që reflekton potencialin e tij. Kulibali është i lidhur me kontratë afatgjatë deri në vitin 2029.
Real Madridi po analizon me kujdes situatën, pasi konkurrenca është e ashpër. Klube të mëdha evropiane, si PSG, Çelsi dhe Arsenali, raportohet se janë të interesuara për të njëjtin talent.