Real Madridi ka mposhtur Villarrealin me rezultat 0-2, në ndeshjen e zhvilluar të shtunën në kuadër të xhiros së 21-të të La Ligës.
Ndeshja ishte e baraspeshuar nga fillimi. Villarreal e nisi më mirë dhe rrezikoi me Buchanan, por Thibaut Courtois e priti goditjen. Real Madridi pati raste me Arda Güler, i cili dribloi në zonë, por goditja ishte qendrore, dhe me Vinicius Jr., që nuk e finalizoi.
Kylian Mbappé zhbllokoi rezultatin në minutën 47 me gol nga asistimi i Vinicius Jr.. Villarreal tentoi të barazonte deri në fund, me Gerard Moreno që goditi mbi portë. Në fund, Mbappé fitoi dhe realizoi penalltinë në minutën 90+2, duke vulosur fitoren 0-2.
Pas kësaj fitoreje, Real Madridi ka marrë kryesimin në tabelë me 51 pikë, dy më shumë se Barcelona, e cila ka 49 pikë dhe një ndeshje më pak të zhvilluar. Villarreal zbres në vendin e katërt me 41 pikë.
Mbappé, 27-vjeçari francez, është në formë të lartë me 34 gola dhe 5 asistime në të gjitha garat.
Përditësime
Kylian Mbappé shënoi penalltinë në stilin panenka.
Gerard Moreno ekzekutoi goditjen e dënimit në minutën 62.