Klubi spanjoll Real Madrid ka prezantuar zyrtarisht mbrojtësin francez Ibrahima Konate, pas mbërritjes së tij në kryeqytetin spanjoll pak ditë më parë. Konate u transferua si futbollist i lirë, pasi i kishte skaduar kontrata me ish-klubin e tij, Liverpool, dhe kishte refuzuar rinovimin e saj. Para kësaj eksperience, ai ka qenë pjesë e skuadrës gjermane të Leipzigut.
Në klubin e ri, mbrojtësi do të bartë fanellën me numrin 16. Gjatë ceremonisë së prezantimit, lojtari u shpreh i lumtur për mundësinë e angazhimit te "Los Blancos" dhe për të luajtur në stadiumin ikonik "Santiago Bernabeu". Në fjalën e tij drejtuar tifozëve, ai deklaroi: "Përshëndetje madrilenë! Jam shumë i lumtur që jam këtu. Shpresoj t’ju shoh së shpejti në Bernabeu. Hala Madrid!".
Përditësime
Ibrahima Konate ka firmosur një kontratë 4-vjeçare me Real Madridin, e cila e mban atë në klub deri në vitin 2030. Mbrojtësi pritet të debutojë këtë të shtunë në përballjen ndaj Espanyol, ndërsa është testuar tashmë në ndeshjen përgatitore kundër Schalke 04 në krah të Dean Huijsen. Lojtari ndau detaje personale për lidhjen e tij me klubin, duke rrëfyer se fanella e Realit ishte dhurata e parë që kishte marrë nga vëllai i tij gjatë fëmijërisë.