Reshje bore janë regjistruar gjatë mbrëmjes së djeshme dhe në orët e para të ditës së sotme në Qafën e Llogarasë, ku temperaturat kanë zbritur në 0–1 gradë Celsius.
Si pasojë e këtyre reshjeve me intensitet të ulët deri mesatar, një segment i rrugës, nga zona e Pishës Flamur deri në pjesën tjetër të aksit, është zbardhur nga bora.
Autoritetet kanë vënë në punë mjetet borëpastruese për të pastruar rrugën dhe kanë shpërndarë kripë, duke garantuar qarkullimin normal të automjeteve.
Aktualisht, rruga është e hapur dhe e kalueshme pa probleme. Situata paraqitet në përmirësim të vazhdueshëm për shkak të rritjes graduale të temperaturave, që po ndikojnë në shkrirjen e borës.