Në Kamchatka, gadishull në Lindjen e Largët të Rusias, reshje rekord bore kanë çuar në shpalljen e gjendjes së emergjencës në fillim të kësaj jave. Stuhia ka paralizuar rajonin, me borë deri në nivelin e katit të dytë të ndërtesave shumëkatëshe.
Ministria lokale e emergjencave raportoi se dy burra rreth 60-vjeç vdiqën nga bora që ra nga çatitë e ndërtesave. Video dhe imazhe të shpërndara në rrjete sociale tregojnë qytete plotësisht të mbuluara, me vetura të varrosura nën shtresa të trashë bore dhe biznese të papërdorshme.
Autoritetet kanë mbyllur shkollat dhe bizneset, duke detyruar kalimin në punë nga distanca për shkak të rrugëve të bllokuara. Ndërsa reshjet e dendura bore nuk janë të pazakonta në këtë rajon, intensiteti i stuhisë ka krijuar vështirësi të mëdha për banorët.