Procesi i numërimit të votave për kandidatët për deputetë nga radhët e Aleancës për Ardhmërinë e Kosovës (AAK) po vijon. Sipas njoftimeve më të fundit të Komisionit Qendror të Zgjedhjeve (KQZ), deri tani janë procesuar 19.54% e vendvotimeve.
Bazuar në rezultatet e deritanishme, dhjetë kandidatët më të votuar janë:
• Ardian Gjini: 7,519 vota
• Ramush Haradinaj: 6,922 vota
• Daut Haradinaj: 5,311 vota
• Besnik Tahiri: 4,515 vota
• Bekë Berisha: 3,527 vota
• Burim Ramadani: 3,513 vota
• Time Kadrijaj: 3,332 vota
• Agim Çeku: 2,832 vota
• Arber Tolaj: 2,798 vota
• Albana Bytyqi: 1,847 vota
Ndonëse Ramush Haradinaj ishte i renditur i 11-ti në listën zyrtare zgjedhore të AAK-së, numërimi i deritanishëm e konfirmon atë si një ndër kandidatët me përkrahjen më të lartë, menjëherë pas bartësit të listës. Institucionet zgjedhore bëjnë me dije se këto rezultate janë të përkohshme dhe do të përditësohen deri në përfundimin e numërimit të plotë të të gjitha votave.
Përditësime
Me numërimin e 20% të vendvotimeve, renditja e kandidatëve më të votuar të AAK-së ka pësuar ndryshime krahasuar me rezultatet e 12%-shit të parë. Ardian Gjini kryeson listën me 7,650 vota, i ndjekur nga Ramush Haradinaj me 7,019 vota dhe Daut Haradinaj me 5,375 vota. Pas tyre radhiten Besnik Tahiri me 4,584 vota dhe Bekë Berisha me 3,572 vota.
Rezultatet e përpunuara nga 25% e vendvotimeve konfirmojnë epërsinë e Ardian Gjinit me 9,095 vota. Pas tij renditen Ramush Haradinaj (8,311 vota), Daut Haradinaj (6,359), Besnik Tahiri (5,512), Bekë Berisha (4,347), Burim Ramadani (4,179), Time Kadrijaj (4,012), Agim Çeku (3,426), Arbër Tolaj (3,377) dhe Albana Bytyqi (2,200).