Në Qendrën e Numërimit dhe Rezultateve vazhdon numërimi i fletëvotimeve sipas listës së vendvotimeve për të cilat KQZ ka marrë vendim për rinumërim.
Procesi filloi më 13 janar 2026. Deri më 26 janar 2026, janë rinumëruar 1.729 vendvotime nga gjithsej 2.557, që përbën 67.62% të totalit. Më herët, më 25 janar, KQZ njoftoi se ishin rinumëruar 1.662 vendvotime, ose 65%.
Bazuar në rezultatet e rinumërimit të deritanishëm:
- LVV ka marrë 47.04% të votave;
- PDK 22.70%;
- LDK 11.42%;
- AAK 5.94%.
Rezultatet e çdo vendvotimi mund të ndiqen në platformën e KQZ-së. Procesi vazhdon sipas listës së vendvotimeve të përcaktuara.
Përditësime
24 komuna kanë përfunduar rinumërimin e votave.
KQZ ka përmbyllur rinumërimin në 25 komuna, nga 24 më parë. Deri më 26 janar në orën 16:00, ka rinumëruar 1.804 vendvotime (mbi 70% të totalit), krahasuar me 1.729 (67,62%).
KQZ ka rinumëruar 2.184 nga 2.557 vendvotime (85.41%).
Rezultatet e përkohshme:
- LVV: 48.57% (nga 47.04%)
- PDK: 21.85% (nga 22.70%)
- LDK: 12.10% (nga 11.42%)
- AAK: 5.91% (nga 5.94%)
Autoritetet zgjedhore kanë rinumëruar 2.326 nga 2.557 vendvotime (90.97%) deri më 29 janar 2026, ora 10:00. Rezultatet e reja: LVV 49.17%, PDK 21.38%, LDK 12.73%, AAK 5.76%.