Afati kalimtar i verës pritet të jetë sfidues për Manchester Cityt, i cili do të bëjë çmos për ta mbajtur mesfushorin kyç Rodri.
Sipas mediumit gjerman Bild, 29-vjeçari spanjoll ka zgjuar interes serioz nga dy gjigantët e La Ligas, Real Madridi dhe Barcelona. Të dy klubet thuhet se janë të gatshme të paraqesin oferta të rëndësishme financiare për ta bindur lojtarin të largohet nga "Etihad Stadium".
Rodri ka qenë një nga figurat më të rëndësishme në mesfushën e Manchester Cityt në vitet e fundit, duke luajtur rol vendimtar në sukseset e klubit anglez.
Lojtari ka kontratë të vlefshme deri më 30 qershor 2027, çka i jep Manchester Cityt një pozicion të fortë negociues. Megjithatë, me interesin në rritje nga Spanja, klubi anglez mund të detyrohet të ofrojë kushte të përmirësuara për ta mbajtur mesfushorin. Spekulimet për një rikthim të mundshëm në La Liga po intensifikohen.