Rolando Maran, trajner 62-vjeçar italian, ka marrë drejtimin e Kombëtares Shqiptare. Ky është hera e parë që ai do të jetojë jashtë Italisë dhe do të drejtojë një kombëtare, me objektiv kualifikimin në Botëror.
Në intervistë për La Gazzetta dello Sport, Maran shpjegoi se u emocionua kur Shqipëria e ftoi. Ai theksoi se perceptoi menjëherë një komb me krenari dhe ndjenjë të fortë përkatësie. Trajneri do të transferohet në Tiranë të dielën për të nisur punën.
Maran ka vendosur të jetojë në Shqipëri, ndërsa bashkëshortja e tij, interior designere, do të bëjë vajtje-ardhje. Ai ka komunikuar me Gianni De Biasi, i cili e këshilloi pozitivisht dhe konfirmoi se Shqipëria bëri zgjedhjen e duhur. Maran ka folur edhe me Igli Tare në Milanello.
Gjatë karrierës së tij Maran ka punuar te Catania, Chievo dhe Brescia. Legjenda Gigi Riva kishte vlerësuar më parë punën e tij te Cagliari.