Turizmi në Malin e Zi konsiderohet jo thjesht një përparësi ekonomike, por një element kyç i sigurisë kombëtare. Vendi ka arritur të thithë marka prestigjioze botërore në menaxhimin e resorteve dhe komplekseve hoteliere, duke krijuar një model të qëndrueshëm që operon përgjatë gjithë vitit.
Një rol të rëndësishëm në këtë industri luan bashkëpunimi me operatorët turistikë nga Shqipëria, të cilët janë frekuentuesit kryesorë të vendpushimeve malazeze gjatë vjeshtës dhe pranverës. Ky rrjet bashkëpunimi është konsoliduar prej vitesh, duke sjellë përfitime të ndërsjella dhe rritje të ndjeshme të flukseve turistike.
Përdorimi i zonave turistike për aktivitete politike
Zhvillimi i infrastrukturës në bregdet dhe në zonat malore ka bërë që site të ndryshme turistike të shndërrohen edhe në qendra për zhvillimin e aktiviteteve të forcave politike. Aktualisht, partitë politike malazeze po shfrytëzojnë rrjetet sociale për të transmetuar mesazhe nga takimet e tyre në këto zona:
- Budva dhe Kotor (zonat bregdetare);
- Malet e Dormitorit;
- Ulqini dhe liqeni i Shasit (të frekuentuara edhe nga përfaqësues të komunitetit shqiptar);
- Malësia e Plavës.
Ish-presidenti Milo Gjukanoviç, së bashku me partinë e tij PDS (forca kryesore e opozitës), ka përdorur pikërisht malësinë e Plavës për të zhvilluar samitin veror të partisë.